તમારી અંદર રહેલા ઇશ્વર ને મારા નમસ્કાર !

લેહ-લદાખ ની મારી અલગારી રખડપટ્ટી મા કંઇ-કેટલાયે સ્પેશિયલ વ્યક્તિઓને મળવાનો,વાતો કરવાનો,તેમને જાણવાનો મોકો મળ્યો.

દરેક ના નામ અટપટા હોવાથી નામ તો નથી યાદ રાખી શક્યો,પણ તેમની સાથે ગાળેલી પળો જિંદગીભર ના ભૂલાય તેવી અમૂલ્ય સૌગાત બનીને યાદગાર બની ચૂકી છે.
ફરતો-ફરતો ચોગલામ્સર ગામે પહોંચ્યો ત્યાં આ બ્યુટિફૂલ કૉલેજ ગર્લ ની માલિકી ના ફૂડવેગન પર સ્વાદિષ્ટ રાજમા-રાઇસ ઝાપટ્યા અને ત્યાર બાદ બનાના શૅક ગટગટાવ્યો.ફ્રાન્સથી ઇન્ડિયા આવી ને ઝેન મોન્ક બનેલા આ તેજસ્વી સન્યાસી સાથે અને પેલી બ્યુટિફૂલ કૉલેજ ગર્લ સાથે તે વખતે બહુ લાંબી ગૂફતેગૂ થઇ... અમારા ત્રણેય જણાંનું પારિવારિક બેકગ્રાઉન્ડ,ખાન-પાન,કર્મક્ષેત્ર,આચાર-વિચાર બધુંજ તદ્દન ભિન્ન હોવા છતા અમે ત્રણેય ખૂબ આત્મિયતાથી મળ્યા.ઉંમર ના બાધ વગર સહજ વાતો થઇ.ખૂલ્લા દિલે ત્રણેય સાથે ખડખડાટ હસ્યા છીએ.જ્યારે દિલ થી તમે કોઇને પણ પ્રમાણિકતા સાથે મળો ત્યારે આવું થવું સાહજિક છે.
તમારી અંદર રહેલા ઇશ્વર ને મારા નમસ્કાર !