પહાડો પરની સાહસિકતામાં ભળ્યો થ્રિલર નો ડોઝ !
મજાકમાં કહેવાયેલી વાતનું વતેસર થઈ ગયું અને સંજોગો પળવારમાં વિપરીત થઈ ગયા.સોચી-સમજી સાજિશ ઘડાઈ ગઈ.અને શરૂ થયો રક્તરંજિત સિલસિલો.
સોફી અને કેલી નામની બે માઉન્ટેનીયર યુવતિઓ પહાડ ચઢવાના પૂરા સાજોસામાન સાથે કોટેજમાં રોકાઈ છે.આગલા દિવસે પહાડ પર ક્લાઈમ્બિંગ શરૂ કરવાની છે.એવામાં જીપ ભરીને ચાર છેલબટાઉ યુવાનો બાજુના કોટેજમાં પિકનિક માટે આવી ચઢે છે.સાહજિક વાતચીત બાદ યુવાનોનો મુખિયા સોફીને રાત્રે કેમ્પ ફાયર અને ડ્રીંક પાર્ટીમાં આમંત્રણ આપે છે.કેલી મેચ્યોર્ડ છે.તાજેતરમાં માઉન્ટેનીયર-ટ્રેનર પ્રેમીના થયેલાં મોતથી આહત છે અને સતત તેની યાદોમાં ખોવાયેલી છે.સોફી જરા નાની ઉંમરની ઉત્સાહી યુવતી છે.પાર્ટીના આમંત્રણ વખતે કેલીએ ઈશારાથી કરેલા નનૈયાને ઉપરવટ જઈને આમંત્રણ સ્વીકારી લે છે.કેલી રાત્રે કમને સોફીને સાથ આપવા કેમ્પ ફાયર પર જાય છે પણ ખાસ મન ના લાગતા થોડીવાર પછી પોતાના કોટેજમાં પાછી ફરે છે અને સોફીને વહેલાસર પરત ફરવાની સૂચના આપતી જાય છે.
પાર્ટીમાં ચાર યુવકો વચ્ચે સોફી પહાડ ચઢાઈની બાબતે જરા અમથી મજાક ભર્યો ટોણો મારી લે છે.તેને કલ્પના પણ નહોતી કે આ મજાક,આ યુવકો,આ એકલતા,કેલીની ગેરહાજરી આખરે શું અંજામ લાવશે.
ફિલ્મ અચાનક જ ગંભીર ટ્રેક પકડે છે અને અંત સુધી એક પછી એક પાત્ર ના કમોત ની રકતલાલિમા છવાઈ જાય છે.
ફિલ્મનો આખો ભાર કેલીની સમજદારી, હિંમત અને Never say die એટિટ્યૂડ પર ટકેલો છે.તાજેતરમાં મૃત્યુ પામેલાં પ્રેમીએ શીખવેલ માઉન્ટેનીયરીંગ ટેકનીક અને સ્પિરીટ આખી ફિલ્મમાં કેલીને મજબૂત સપોર્ટ પૂરો પાડે છે.વહેતી વાર્તા સાથે એ યાદોના ફ્લૅશબેક નું સંકલન ખૂબ ઈમ્પ્રેસીવલી થયું છે.
ઓવરઓલ, મસ્ટ વોચ ફિલ્મ છે.
ફિલ્મ ડાઉનલોડની પણ લિન્ક :
https://www.youtube.com/watch?v=lI5QB-BOWNo
